Bölgələr / بؤلگه لر

مقاله ها

ماماغاندا شاخسئی دوهوللری / رحیم ماماغانلی

memeqani
هر شاخسئی صفینین باشیندا بیر نفر مرثیه شعاری وئرن اولار. او، آدام اورک یاندیریجی شعرلر له شاخسئیی اداره ائدر. او هر نه دئسه صفه دوزولنلر ده اونو تیکرار ائدرلر. دوهولچولر ده دوهولون سسینی او شعار وئرن آدامین سسیله هم آهنگ ائدرلر. دوهولچولر شاخسئی دئیه نین قاباغیندا وار گوجو ایله دوهولو چالار و بیر آیاغی نین اوستونده فیرلانار و باخانلارین ماراغینی قازانار. اونلار، دوهولو چالا- چالا فیرلانماقلارینا باخانلارین ذهنینده دویوش مئیدانلارینی جانلاندیرار.


ائل ادبیاتی – 6  ویژه نامه‌ی  بایرام شماره   38  /  1390-جو ایل

http://www.azelbilimi.com


هر بیر میللتین دبلرینه دیققت یئتیرنده اونون کوکونو داهادا او میللتین اوزاق ایللرینده و تاریخینده تاپماغا نایل اولوروق. دبلر و اونلارین قایناقلاری کوکلو و اسکی میللتلرین  هویتلری و اونلارین میللی شخصیتلریدیر. هر بیر توپلومون کوکو و دایاناجاغی اونون دبلرینین و اینانجلاری نین اوستونده گویریر. یاخشی بیلیریک کی، میللتلرین اسطوره و اینانجلاری و دبلری او میللتین فورمالاشماسیندا اساس رول اویناییر. بو گونکو چاغداش  دونیادا، کولتورو قوروماق، ائله او میللتی قوروماق دئمکدیر. اونا گورده ده، کولتور و اونون اجزالاری هر بیر میللتین بینوره داشی حئسابلانیر. بیز، گرک اونلاری آراشدیراق و تاریخی رمزلریمیزی تاپاق و اونلارین فایدالیسینی داها دا یاشاداق. تورک ائللری آراسیندا هر بیر ائلین اوز دبلری و گئدیشلری واردیر. بعضا ده هر بیر شهرین و یا بویوک کندین اوزونه مخصوص اولان دبلر تاپیریق کی، دوغرودان دا تایسیزدیر. ایستردیم بورادا ماماغاندا اولان شاخسئی دبینه توخوناق. شاخسئی دبی ماماغان محرم لیگینین داها دا قیزغین و جوشغونلو دبلریندن دیر. محرمین باشلانماسینا بیر نئچه گون قالمیش دوهولچولر اوز وسایطلرینی حاضیرلارلار و محرمین ایلکینه قدر حاضیرلیقدا اولارلار. او دوهوللر کئچی دریسیندن قایریلار و چوخ داواملی اولارلار. ماماغاندا شاخسئی بئله اولار کی، آداملار اوزون -اوزون صفلر یارادیب، یان - یانا دایانیب، سینه لرینه و دیزلرینه وورارلار. هر شاخسئی صفینین باشیندا بیر نفر مرثیه شعاری وئرن اولار. او، آدام اورک یاندیریجی شعرلر له شاخسئیی اداره ائدر. او هر نه دئسه صفه دوزولنلر ده اونو تیکرار ائدرلر. دوهولچولر ده دوهولون سسینی او شعار وئرن آدامین سسیله هم آهنگ ائدرلر. دوهولچولر شاخسئی دئیه نین قاباغیندا وار گوجو ایله دوهولو چالار و بیر آیاغی نین اوستونده فیرلانار و باخانلارین ماراغینی قازانار. اونلار، دوهولو چالا- چالا فیرلانماقلارینا باخانلارین ذهنینده دویوش مئیدانلارینی جانلاندیرار. نظره بئله گلیر کی، قدیم دویوش مئیدانلاریندا اولان دویوش مارشلارینی شاخسئی مراسیملرینه گتیرن ماماغانلیلار کربلا حادیثه سینین بیر حماسی دینی حادیثه اولدوغونو وورغولاماق ایسته میشلر. قدیم باش یارانلار دا عاشورا گونو طبیل لرین شیدتلی چالیندیغی واختلار دا هیجانلانیب، اوز باشلارینی یاراردیلا. دوهولچولر او قدر هیجانلی چالاردیلار کی بعضن دوهول چیرپیسی ایله اوز باشلارینی یاراردیلار. دوهولچولر محرمین ایلکیندن سونونا قدر هرگون شاخسئی واختی چالارلار. اونلار ماماغاندا اولان دورد محلله دن شهرین مرکزینده اولان مئیدانا قدر گلیب و او مرکزی مئیداندا داها دا قیزقین چالیب، شور و هیجان یارادارلار. اونلارین شور و هیجانلارینا باخانلار ایسه، تاب گتیرمه دن آغلاشارلار. محلله لردن گلن دسته لر بیر ساعات عرضینده مئیدانی دولانیب گئدرلر. بو دب دن یارانان بیر ائل مثلی ده وار دیر. ماماغاندا دئیه رلر: فیلانی طبیل لری چکیب( فیلا نینی شور توتوب)


ائل ادبیاتی – 6  ویژه نامه‌ی  بایرام شماره   38  /  1390-جو ایل

http://www.azelbilimi.com


Sosial Şəbəkələr